დასაქმებისა და განვითარების პლატფორმა

მენეჯერები გეგმავენ, კოორდინირებენ და აფასებენ საწარმოების, მთავრობისა და სხვა ორგანიზაციების ან მათი ქვედანაყოფების საქმიანობას, აყალიბებენ და იხილავენ მათ პოლიტიკას, კანონებს, წესებსა და რეგულაციებს. დაკისრებული ვალდებულებების კომპეტენტურად შესრულებისთვის მოითხოვება ISCO კვალიფიკაციის მეოთხე დონე.

პროფესიონალები ზრდიან არსებული ცოდნის მარაგს, იყენებენ სამეცნიერო თუ შემოქმედებით კონცეფციებსა და თეორიებს, სწავლებისას იყენებენ სისტემურ მეთოდოლოგიას, ან ერთვებიან აღნიშნული საქმიანობების ნებისმიერ გაერთიანებაში. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეოთხე დონე.

ტექნიკოსები და ასოცირებული პროფესიონალები ასრულებენ ძირითადად ტექნიკურ და შინაარსობრივად მონათესავე სამუშაოებს, რომელებიც უკავშირდება კვლევას და სამეცნიერო ან მხატვრული კონცეფციების, მეთოდების, აგრეთვე, სამთავრობო ან ბიზნეს რეგულაციების აპლიკაციებს. ამ ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მესამე დონე.

ოფისის დამხმარე პერსონალი ინახავენ მონაცემებს, ორგანიზებას უწევენ, ინახავენ, გამოითვლიან და მოიძიებენ ინფორმაციას და ასრულებენ თანხების ადმინისტრირების ოპერაციებთან, სამგზავრო გეგმების ორგანიზებასთან, ინფორმაციის მოთხოვნასა და დანიშვნებთან დაკავშირებულ საოფისე საქმეებს. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეორე დონე.

მომსახურებისა და გაყიდვების სფეროს სპეციალისტები უზრუნველყოფენ ისეთ პერსონალურ და დამცველობით მომსახურებებს, რომლებიც დაკავშირებულია მოგზაურობასთან, საოჯახო, საზოგადოებრივ და პირად საზრუნავთან. საბითუმო და საცალო ვაჭრობის მაღაზიებსა ან სხვა მსგავს დაწესებულებებში, აგრეთვე, ჯიხურებსა და ბაზრებში გამოფენენ და ყიდიან საქონელს. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეოთხე დონე.

სოფლის მეურნეობის, მეტყევეობისა და თევზჭერის სფეროს სპეციალისტებს მოჰყავთ მინდვრის, ხეხილისა და ბუჩქოვანი კულტურები და იღებენ მათ მოსავალს. აგროვებენ ველურად მზარდი ხეების ნაყოფებსა და მცენარეებს. ისინი აშენებენ ცხოველებს. აწარმოებენ სხვადასხვა სახეობის ცხოველურ პროდუქტებს.აშენებენ თევზს ან მისდევენ თევზჭერას. აგროვებენ წყლის სხვადასხვა სახეობის ფლორასა და ფაუნას. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეორე დონე.

ხელოსნები და მონათესავე სფეროს მუშები შენობების ასაშენებლად და მოსავლელშესანახვად ყენებენ კონკრეტულ ტექნიკურ და პრაქტიკულ ცოდნასა და უნარებს; ასხამენ და აშენებენ ლითონის კონსტრუქციებს; განსაზღვრავენ სამუშაო იარაღებსა ან აკეთებენ, და არემონტებენ მანქანებს, მოწყობილობებსა თუ ხელსაწყოებს; აწარმოებენ ან გადაამუშავებენ საკვებ პროდუქციასა და ტექსტილს, აგრეთვე ხის, ლითონისა და სხვა საქონელს, მათ შორის ხელნაკეთობებს. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეოთხე დონეა.

სამრეწველო დანადგარებისა და მანქანების ოპერატორები და ამწყობები ადგილზე ან დისტანციურად ამუშავებენ და მეთვალყურეობენ საწარმოო და სოფლის მეურნეობის მანქანებსა და დანადგარებს; მართავენ და გამოყენებენ მატარებლებს, ავტომობილებს, მობილურ მანქანებსა და დანადგარებს; ან ზუსტი სპეციფიკაციებისა და პროცედურების შესაბამისად შემადგენელი ნაწილებისაგან აწყობენ პროდუქტებს. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის მეორე დონე.

მარტივი საქმიანობები მოიცავს ელემენტარულ და რუტინულ სამუშაოებს, რომლებიც შესაძლებელია საჭიროებდნენ ხელით მართვადი ხელსაწყოების გამოყენებასა და მნიშვნელოვან ფიზიკურ ძალისხმევას. აღნიშნული ძირითადი ჯგუფის პროფესიათა უმრავლესობისათვის აუცილებელია ISCO-ს კვალიფიკაციის პირველი დონე.

შეიარაღებულ ძალებთან დაკავშირებული პროფესიები მოიცავს ყველა სამსახურს, რომლებიც შეიარაღებული ძალების წევრებს უკავიათ. ისინი მსახურობენ სავალდებულო თუ ნებაყოფლობით შეიარაღებულ ძალებში, აგრეთვე დამხმარე სამსახურებში. ისინი არ შეიძლება დასაქმდნენ სამოქალაქო სექტორში და ექვემდებარებიან სამხედრო დისციპლინას. მათ შორის არიან ჯარის, საზღვაო-საჰაერო ძალებისა და სხვა სამხედრო სამსახურების მუდმივი პერსონალი, აგრეთვე, წვევამდელები, რომლებიც კონკრეტული დროით ირიცხებიან სამხედრო წვრთნებსა და სხვა სამსახურებში.